Hip.media не адкрываецца ў Беларусі
Прычыну блока мы не ведаем. Каманда «ДазХіп» не атрымлівала з гэтай нагоды ніякіх паведамленняў або папярэджанняў. Мы не знаходзім сваіх матэрыялаў у якіх-небудзь афіцыйных спісах. Аднак лічым патрэбным загадзя нагадаць пра лічбавую бяспеку. Калі ты знаходзішся ў Беларусі, вельмі раім скарыстацца карыснымі падказкамі @cyberbeaver_help.
Некаторыя матэрыялы ў Беларусі могуць прызнавацца непажаданымі.
Кодэкс аб адміністрацыйных правапарушэннях прадугледжвае адказнасць за распаўсюд і захоўванне матэрыялаў, якія прызнаныя «экстрэмісцкімі». Спіс такіх матэрыялаў папаўняецца даволі часта. Гэта могуць быць артыкулы на самыя розныя адчувальныя тэмы, у тым ліку на тэмы, якія датычацца ЛГБТК+.
Рэпост «экстрэмісцкіх матэрыялаў» у асабістых сацсетках або пабліках лічыцца распаўсюджваннем. Перасылка сябрам (напрыклад, у чаты ў мэсэнджарах) – гэта таксама распаўсюд.
За чытанне любых матэрыялаў адказнасці фармальна няма. За лайкі і каментары – калі яны не былі абразлівымі – адказнасці няма. За падпіску ў сацсетках – таксама (аднак былі кейсы, калі падпіска на тэлеграм «экстрэмісцкага СМІ» расцэньвалася як захоўванне).
Як чытаць і глядзець нас далей?
Для чытання сайта спатрэбіцца VPN.
Правераныя сэрвісы:
- NordVPN
- SaferVPN
- ExpressVPN
- Psiphon
- TunnelBear
- Private Internet Access
- Surfshark
- UltraSurf
Важна: не будзе залішнім час ад часу чысціць кэш браўзера – можна наладзіць яго аўтаматычную ачыстку. Бяспечна сёрфіць можна таксама ў рэжыме «інкогніта» – гэтыя прагляды не застаюцца ў гісторыі браўзера.
Лайкаць ці не?
За падпіску, лайкі і каментары неабразлівага характару фармальна адказнасці не прадугледжана. Аднак лайкі і каментары могуць прыцягваць да сябе ўвагу.
Што яшчэ важна: яны захоўваюцца ў архіве актыўнасці ў тваіх сацсетках. Калі табе давядзецца даць камусьці доступ, то яны будуць заўважаныя. Мы не раім пакідаць лайкі пад пастамі на адчувальныя тэмы.
Як бяспечна дзяліцца кантэнтам?
У Беларусі пераследуюць за рэпост з «экстрэмісцкіх» медыя. «ДазХіп» такім не з'яўляецца.
Аднак усё роўна нагадваем, што больш бяспечна перасылаць адчувальную інфармацыю скрыншотамі, абразаючы пазнаку крыніцы, або капіраваць тэкст без спасылкі. І лепш рэгулярна чысціць свае чаты. Можна наладзіць аўтаматычную ачыстку.
Застаёмся на сувязі!
На «ДазХіп» не выходзіць нічога, што парушала б законы Беларусі. І нам важна заставацца на сувязі з нашымі чытач_камі і распавядаць ім важныя гісторыі. Аднак ніякі лайк не каштуе чыёйсьці бяспекі. Павер, мы адчуем тваю любоў і без лайкаў.
Мы абавязкова напішам, калі з'явяцца нейкія навіны. А пакуль – чытай нас у Instagram, глядзі ў TikTok, паказвай сябрам-сяброўкам на кухні. Будзем рады, калі вы разам пасмяецеся ці даведаецеся нешта новае, карыснае, класнае.
Твой «ДазХіп».
Знайшлі памылку? Ctrl+Enter